कसैले सोच्छन् जिन्दगी आश हो

                                                  कोही सोच्छन् जिन्दगी त्रास हो 

                                                  जसले जस्तोसुकै जेसुकै सोचुन्

                                                  मृगतृष्णै मृगतृष्णाको प्यास हो ।

                                                 कोही सोच्छन् जिन्दगी श्वास हो

                                                 सोच्छन् धेरै गाँसबास कपास हो

                                                 मलाई लाग्छ बाँचुञ्जेल रमाउने

                                                 एक आपस बिचको बिश्वास हो ।

                                                स्वार्थ पुरा नहोउञ्जेल बकवास हो

                                                स्वार्थ पुरा हुँदा जिन्दगी शुभास हो 

                                                जिन्दगी हिसाब हो, नमिल्दा दिक्क

                                                हिसाब मिल्दा जिन्दगी झकाश हो ।

                                                         नरेन्द्र देवकोटा (प्रशान्त)  २०८०\११\३० कोहलपुर ।