काठमाडौं । दाङमा ट्रक दुर्घटनामा परी एक जनाको  ज्यान गएको छ । रुपन्देहीको रोहिनी गाउँपालिका–६ का वर्ष २६ सखर खाँको दुर्घटनामा परी ज्यान गएको जिल्ला प्रहरी कार्यालय दाङका प्रवक्ता राजनकुमार गौतमले  बताएका छन् ।

मृतक ट्रकका सहचालक हुन्। दुर्घटनामा मृत्युशवलाई अहिले राप्ती स्वास्थ्य विज्ञान प्रतिष्ठानमा राखिएको छ।घोराहीबाट भैँसीको छाला बोकेर बिराटनगरतर्फ जाँदै गरेको लु २ ख ५९३ नम्बरको ट्रक घोराही–३ चौपट्टाको ओरालोमा बुधबार दिउँसो साढे १ बजेतिर दुर्घटनामा  परेको हो । 

ट्रक ब्रेके फेल भएर दुर्घटना भएको पाइएको छ। दुर्घटना चालक र ट्रक धनी सम्पर्कविहीन भएको र उनीहरुको खोजी भइरहेको प्रहरीले बताएको छ।