डडेल्धुरा । डडेल्धुरा अस्पतालका अध्यक्ष करुणाकर ओझालाई कालोमोसो दलिएको छ।धर्मेन्द्र बास्तोला नेतृत्वको नेकपा बहुमतले आज (बुधबार) अस्पतालको अध्यक्ष ओझालाई कार्यकक्षमै कालोमोसो दलेको  वताएका छन।

ओझा विधार्थीकालमा अखिलका विधार्थीको राजनिति गरेपनि अध्यायनकै क्रममा ने.वि.सँघ मा पनि सँगठित भएर  नेपाली काग्रेसको राजनितिमा सक्रिय थिए। २०६२\२०६३को परिवर्तन पछि नेकपा(माओवादी केन्द्र)का जिल्ला नेता रहेर अमरगढी नगरपालीकाको मेयर पदमा माओवादीका तर्फ वाट उम्मेदवारी दिएका थिए ।  नेपाली काग्रेसमा फर्कीए पछि डडेल्धुरा अस्पताल विकास समितिका अध्यक्ष भएका थिए। ओझाको अहिले तेस्रो कार्यकाल हो।

कम्युनिस्ट युवा संगठन नेपाल, डडेल्धुराका अध्यक्ष  सहविरद्धारा हस्ताक्षरित आरोपत्रमा डडेल्धुरा अस्पतालका अध्यक्ष करुणाकर ओझामाथि जनकारबाही किन ? भनेर ओझा माथि दश बुँदे आरोप लगाएका छन्।

दश वुदे आरोपमा के छ ? यि आरोप कति तथ्य सत्य रहेका छन आगामी दिनमा प्रष्ट हुदै जाने  भएपनि आरोप यस्ता रहेको छन-

१-कमिसनको लोभमा अस्पतालका स्वास्थ्य उपकरण जानाजानी बिगारेर नयाँ उपकरण खरिद प्रक्रियामा लैजाने र यसमार्फत लाखौँ रुपैयाँको भ्रष्टाचार गर्ने गरेको। उदाहरणका रूपमा हाल प्रयोगमा रहेको ठूलो एक्स–रे मेसिन बिगारेर नयाँ खरिद प्रक्रिया अघि बढाइएको।२- जनस्वास्थ्य जस्तो संवेदनशील क्षेत्रमा दक्ष र अनुभवी जनशक्तिबाट गुणस्तरीय सेवा प्रवाह गर्नुको सट्टा कर्मचारी भर्नामा आर्थिक चलखेल गरी अस्पताललाई राजनीतिक भर्ती केन्द्र( नेपाली काग्रेस, नेकपा(एमाले) , नेकपा(माओवादी केन्द्र) कार्यकर्ताहरुको भर्तिकेन्द्र बनाइएको छ।

३- अस्पतालजस्तो संवेदनशील संस्थालाई मदिरा सेवन गर्ने थलो बनाइएको,४- अध्यक्ष पदमा तेस्रो कार्यकाल पूरा गर्न लाग्दा पनि अस्पतालको आय–व्यय विवरण सार्वजनिक नगर्ने तथा आफ्ना कमजोरी ढाकछोप गर्न सार्वजनिक सुनुवाइ नगरेको,५- अस्पतालबाट माग हुने सेवा, मर्मत तथा निर्माणसम्बन्धी कामहरूमा आफ्ना आसेपासेलाई कोटेसन दिलाई कमिसन खाने गरेको,

६- अस्पतालको सेवा प्रवाह सुधार्नुपर्ने ठाउँमा अस्पताललाई कमाइ खाने भाँडो बनाउँदै चरम भ्रष्टाचार गरेको,७- अस्पतालमा थुप्रै स्थायी दरबन्दी खाली रहँदा पनि स्थायी कर्मचारी नियुक्ति नगरी आर्थिक र राजनीतिक चलखेलका आधारमा करार तथा ज्यालादारी (डोरहाजिर) कर्मचारी भर्ना गरी जनस्वास्थ्यसँग गम्भीर खेलवाड गरिएको,८- सुदूरपश्चिमकै रेफर अस्पताल हुँदाहुँदै पनि स्वास्थ्य सेवामा चरम लापरवाही देखाई जनतालाई सास्ती दिइएको,९- खरिद प्रक्रियामा मनपरी गर्दै औषधि तथा उपकरण खरिदमा गुणस्तरभन्दा कमिसन दिने आपूर्तिकर्तालाई प्राथमिकता दिने गरेको,१०- कमिसनकै लागि लाखौँ मूल्यका उपकरण खरिद गरी थन्क्याउने, सूचना लुकाउने, जवाफदेहिताबाट पन्छिने, संस्थागत सुशासन कमजोर बनाउने र नेतृत्वकै कारण अस्पतालको छवि खस्किएको भनि आरोप लगाएका छन।