धमेन्द्र बास्तोला नेतृत्वको नेकपा (बहुमत) निकट युवा संगठनले राष्ट्रिय आवास कम्पनीका हाकिमलाई मलमुत्र दलेको छ । कम्युनिष्ट युवा संगठनको पाँच नम्बर ब्युराले पुनर्वास अधिकृत महेन्द्र थापालाई कार्यकक्षमै पुगेर मलमुत्र दलेको हो ।

भ्रष्टाचार गर्नेलाई अहिले सम्म जनता परिचालित गरेर कालोमोसो दल्ने राजनितिक परम्परा भएपनि यसरी मान्छेको अनुहारमा मान्छेकै मलपुत्र दलेको यो पहिको घटना हो। कुनै पनि राजनितिक सँगठन र कम्युनिष्टका नाममा गरिने यस्ता हर्कतहरुले  असल क्रान्तिकारीहरु लाई पनि वदनाम गराउनुका साथै जनताको नजरमा घृर्णा पनि सृजना गराउने छ।राजनितिक सँगठनले आफ्नो वर्ग र जनतालाई अस्वाकार्य काम गर्दा राजनितिक रुपमा मलमुत्र लगाउने नै नाङधिने एव वदनामित हुने छन।

अधिकृत थापाले पुनर्वास कार्यक्रममार्फत् अबौँ रुपैयाँ अनियमितता गरेको र जग्गा हिनामिना गरेको संगठनको दावी छ । उनीहरुले जनकारवाहीको कारण खुलाउँदै भनेका छन्, ‘जनताको नाममा लुटपाट गर्नेहरूलाई अब केवल कागजी फाइलले होइन, जनकोपले भन्दा धेरै कडा तरिकाले जवाफ दिनुपर्ने बेला आएको छ ।’आगामी दिनहरूमा अन्य भ्रष्ट, कमिसनखोर र दलाल पात्रहरूलाई पनि क्रमिक रूपमा जनकारबाहीको दायरामा ल्याइने संगठनको चेतावनी छ ।