काठमाडौं ।   पिपुल्स पावर लिमिटेडको आईपीओ आज बाँडफाँड गरिने भएको छ ।  आईपीओ बाँडफाँड कार्यक्रम दिउँसो २ बजे राखिएको छ ।   पिपुल्स पावरको आईपीओ बाँडफाँड धितोपत्र बिक्री प्रबन्धक प्रभु क्यापिटलको काठमाण्डौको कमलादीस्थित कार्यालयमा हुनेछ ।

कम्पनीले गत साउन ३१ गतेदेखि भदौ ५ गतेसम्म सर्वसाधारणका लागि आईपीओ बिक्री खुला गरेको थियो । कम्पनीले १०० अंकित दरका कुल २४ लाख ६७ हजार ४०० कित्ता आईपीओ बिक्री खुला गरेको हो । 

कुल कित्तामध्ये ५ प्रतिशतले हुन आउने १ लाख २३ हजार ३७० कित्ता सामूहिक लगानी कोष र २ प्रतिशतले हुन आउने ४९ हजार ३४८ कित्ता सेयर कर्मचारीका लागि छुट्याइएको थियो । बाँकी २२ लाख ९४ हजार ६८२ कित्तामा सर्वसाधारणले खरिद आवेदन दिएका छन् । 

निष्कासनको अन्तिम दिनसम्म यो कम्पनीको आईपीओमा १६ लाख ६ हजार ११० आवेदकबाट कुल १ करोड ८२ लाख १९ हजार ७० कित्ता सेयरका लागि खरिद आवेदन परेको छ । जुन मागभन्दा ७.९४ गुणाले बढी  रहेको छ। 

आईपीओ गोलाप्रथाबाट बाँडफाँड हुनेछ । भाग्यमानी २ लाख २९ हजार ४६८ जनाले १० कित्ताका दरले सेयर पाउनेछन् । तिनै भाग्यमानीमध्ये २ जनाले थप १-१ कित्ता सेयर पाउनेछन् । 

यो हिसाबले १३ लाख ७६ हजार बढीको हात खाली हुने देखिन्छ ।