जबराले ‘नजरबन्द’मा राखेको भनेपछि मानवअधिकार आयोगको टोली प्रधानन्यायाधीशकाे निवासमा

जबराले ‘नजरबन्द’मा राखेको भनेपछि मानवअधिकार आयोगको टोली प्रधानन्यायाधीशकाे निवासमा

bimbonline बिम्ब अनलाइन
२०७९ असोज २ १५:३८ बजे
जबरा

काठमाडौं । राष्ट्रिय मानवअधिकार आयोगको एक टोली अहिले बालुवाटारस्थित प्रधानन्यायाधीस चोलेन्द्र सम्सेर जबराको निवासमा पुगेको छ । जबराले आफूलाई

सरकारले ‘नजरबन्द’मा राखी बाहिर निस्कन नदिएको प्रतिक्रिया दिएपछि मानवअधिकार आयोगको टोली उनको निवासमा पुगेको हो ।  ‘प्रधानन्यायाधीसलाई घरबाट बाहिर निस्किन दिइएन भन्ने कुरा आयो, त्यसैले के भएको रहेछ भनेर बुझ्न हाम्रो टोली उहाँको निवासमा गएको हो,’ राष्ट्रिय मानवअधिकार आयोगका प्रवक्ता डा. टिकाराम पोखरेलले जनतापाटीसँग भने । 

संसदमा महाअभियोग प्रस्ताव दर्ता भएपछि जबरा निलम्बनमा परेका थिए । गएराति १२ बजेबाट सांसदको कार्यकाल सकिएपछि महाअभियोग निस्क्रिय भएको जनाउँदै उनले आजबाट काममा फर्कने तयारी गरेका थिए । 

तर सरकारले भने उनलाई काममा फर्किन नदिन ठूलो संख्यामा सुरक्षा कर्मी उनको निवासमा खटाएको छ  र उनलाई घरबाट बाहिर निस्कन दिएको छैन । यसैबीच राष्ट्रिय मानवअधिकार आयोगको टोली उनको निवासमा पुगेको हो ।  

२०७९ असोज २ १५:३८ बजे

प्रतिक्रिया