नेदरल्यान्ड्सको एम्स्टर्डमस्थित आर्टिस चिडियाखाना (Artis Zoo) मा रहेको एक ‘सदर्न ग्राउन्ड हर्नबिल’ जातको चराले विश्वमै पहिलो पटक दुवै भाग (माथिल्लो र तल्लो) मा ‘थ्रिडी प्रिन्टेड टाइटेनियम प्रोस्थेसिस’ (कृत्रिम चुच्चो) पाएको छ। चुच्चोमा गम्भीर चोट लागेपछि उक्त चरा आफ्ना प्वाँखहरू सफा गर्न र आहारा खोज्न पूर्ण रूपमा असमर्थ बनेको थियो।
उट्रेक्ट विश्वविद्यालयका पशु चिकित्सकहरूको टोलीले चराको मौलिक चुच्चोको वास्तविक नाप र आकारअनुसार अत्याधुनिक प्रविधिबाट दुवै भागको टाइटेनियम चुच्चो निर्माण गरेका हुन्। अक्टोबर २०२६ मा गरिएको सफल शल्यक्रियाकै दिनदेखि चराले आफ्नो नयाँ कृत्रिम चुच्चो सफलतापूर्वक प्रयोग गर्न थालेको छ। पशु चिकित्सा क्षेत्रमा यस प्रकारको जटिल प्रत्यारोपण विश्वमै पहिलो भएको बताइएको छ।
२०८३ कात्तिक १७ १४:०२ बजे
२०८३ कात्तिक १७ १४:०२ बजे
प्रतिक्रिया