काठमाण्डौ।राष्ट्रिय क्रान्तिकारी मोर्चा, नेपालका संयोजक सन्तबहादुर नेपालीले मोर्चाले राष्ट्रिय भेला  तथा थ समसामायिक विषयहरुका वारे आज मिति २०८३।५।९ गते एक वक्तव्य जारी गरेका छन। वक्तव्यमा भनिएको छ।

 बारा जिल्ला सिमराकी ३ वर्षीय बालिका गरिमा चौधरीलाई चकलेट दिइ ललाइफकाई अपहरण गरे पछि  बलात्कार गरी  हत्या गर्ने जस्तो  जघन्य,क्रूर र अमानवीय अपराधको  राष्ट्रिय क्रान्तिकारी मोर्चाको  बैठकले   घोर निन्दा एवम् भत्सर्ना गर्दछ  । त्यस्तो त्रासद अपराधमा संलग्न दोषीहरुलाई कडाभन्दा कडा कानुनी कारवाही गर्न र पीडित परिवारलाई राहत र आवश्यक क्षतिपूर्ति प्रदान गर्न जोडदार माग गरिन्छ ।

राष्ट्रिय क्रान्तिकारी मोर्चा, नेपालको वार्षिक भेला यही भाद्र महिनाको २३ गते काठमाण्डौमा हुने छ।  राष्ट्रिय स्वाधीनता,जनतान्त्रिक अधिकार,नागरिक स्वतन्त्रता र जनजीविका सम्बन्धी समान विचार भएका अन्य विभिन्न  राजनीतिक घटकसँग पनि छलफल चलाई मोर्चामा सामेल हुन सक्ने स्थिति विकसित भएमा मोर्चाको नीति र विधि अनुसार  सम्मिलित हुन आग्रह गरिने वताएका छन।

  लघुवित्त, मिटर ब्याज र सहकारी ठगीमा परेर आन्दोलनरत रहेका श्रमिक किसानहरुका न्यायपूर्ण र जायज मागहरु कुनै आलटाल नगरी पूरा गर्न र पीडित परिवारका समस्या हल गर्न सरकारसँग जोडदार माग गरेको ,डोजर लगाई दमनको भरमा जबर्जस्ती उठिवास गराई विचल्लीमा पारिएका सुकुम्बासी तथा भूमिहीन परिवारलाई तत्काल यथोचित घरबास, रोजगारी र तिनका बाल बालिकाको शिक्षा सुचारु गर्ने व्यवस्था  गर्न र तिनको उचित औषधोपचारको ब्यवस्था  गर्न समेत  वक्तव्यमा उल्लेख गरेका छन।

.देशमा बाह्य हस्तक्षेप बढिरहेको सन्देहास्पद स्थिति बनिरहेको अवस्थामा  यूरेनियम जस्तो संवेदनशील र महत्वपूर्ण खनिज पदार्थ रहेको मुस्ताङ्ग क्षेत्रमा प्रधानमन्त्रीको अघोषित रहस्यमय गोप्य यात्रा किन भएको हो भन्ने विषयमा जनतामा आशंका उत्पन्न भएको हुँदा त्यसबारे प्रधानमन्त्रीले  जनता लाई स्पष्ट पार्न  माग गरिएको छ।