काठमाडौं । नागरिक उन्मुक्ति पार्टी (नाउपा) का संरक्षक रेशम चौधरी पक्राउ परेको विषयले नयाँ मोड लिएको छ ।सर्वोच्च अदालतले रेशम चौधरीलाई रिहा गर्ने व्यहोराको पत्र प्रहरीसँग पुगेको छ । यस अघि सर्वोच्चको मुद्धा शाखाले पत्र पठाएपछि चौधरीलाई प्रहरीले पक्राउ गरेको थियो ।

तर सो पत्र सर्वोच्चका कुनै न्यायाधीशको आदेश बिना लेखिएको पाइएपछि सर्वोच्चमा हड्गमा मच्चिएको थियो । अहिले सर्वोच्चले अर्को पत्र पठाएर रेशम चौधरीलाई छोड्न भनिएको छ ।

प्रहरीले पत्र लिएर गएका सर्वोच्चका शाखा अधिकृत महिमानसिंह बिष्टलाई पक्राउ गरेर हिरासतमा राखिएको बुझिएको छ । उनले आफूखुशी पत्र लेखेको बयान प्रहरीलाई दिएको बताइएको छ ।