काठमाण्डौ। ब्रिटिश गोर्खा भूतपूर्व सैनिक संघ (बिगेसो)को महिला विभागको माघ १६ गते सभाको सम्पन्न भएको छ।विगेसो आफ्नो हक अधिकार र स्वाभिमानका लागी विगत देखि कानुनी र सडक सँघर्ष चलाउदै आएको सँगठन हो।
एक वर्षको लामो समय सम्म सर्वोच्च अदालतको निर्देशनात्मक आदेश कार्यान्वयन सरकारले नगरेको हुदा सर्वोच्च अदालतको आदेश कार्यान्वयनका लागी बिगेसोले १२ दिने दवावमुलक सघर्षका कार्यक्रम गर्दै आएको छ। माघ १६ गते विगेसो महिला विभाग ध्दारा आयोजित कार्यक्रममा महिला अधिकार, भूतपूर्व गोर्खा सैनिकका मुद्दाहरु राष्ट्रिय स्वाभिमान, स्वाधिनता, श्रम शोषण तथा महिला अधिकार हनन जस्ता विषयमा वक्ताहरुले विचार व्यक्त गरेका थिए।
कार्यक्रमका प्रमुख अतिथि संगठनका प्रमुख सल्लाकार परि थापा , अध्यक्ष बिगेसो महिला विभाग संयोजक सुलोचना रोक्का गुरुङ विशिष्ट अतिथि बिगेसोका अध्यक्ष पदमसुन्दर लिम्बु अखिल नेपाल क्रान्तिकारी महिला संघकी सह-संयोजक शारदा महत नेता तथा विदेश विभाग संयोजक चक्रपाणि शर्मा हुनुहुनन्थ्यो।
कार्यक्रमका वक्ताहरुमा प्रमुख अतिथि संगठनका प्रमुख सल्लाकार परि थापा सिङगापुर बिभाग प्रमुख पल बहादुर घर्ति, अध्यक्ष बिगेसो महिला विभाग संयोजक सुलोचना रोक्का गुरुङ अखिल नेपाल क्रान्तिकारी महिला संघकी सह-संयोजक सारदा महत बिगेसो महिला विभाग सदस्य नविना राई सदस्य निता थापा सदस्य अरुणा पुवाणे रहनु भएको थियो।
कार्यक्रम सञ्चालन तथा व्यवस्थापन कार्यक्रम सञ्चालिका बिगेसो महिला विभाग सह-संयोजक गर्नु भएको थियो। कार्यक्रममा सांस्कृतिक प्रस्तुति अन्तगत नृत्य नुमा तुम्बापो कविता वाचन बिगेसो सिंगापुर विभाग सचिव ज्ञान बहादुर गुरुङले “म गोर्खा” कविता प्रस्तुत गरेका थिए।
कार्यक्रमका वक्ताहरुले राष्ट्रिय स्वाभिमान, स्वाधीनता, श्रम शोषणको अन्त्य, महिला अधिकार संरक्षण तथा भूतपूर्व गोर्खा सैनिक र उनीहरूका परिवारका हकहितको प्रवर्द्धन गर्ने लक्ष्य राखेको वताएका थिए।
प्रतिक्रिया