बैतडी । बैतडीमा पासोमा फसेको चितुवाको सकुशल उद्धार गरिएको छ । जिल्लाको दशरथचन्द नगरपालिका-८, त्रिपुरासुन्दरी मन्दिर नजिक बँदेल नियन्त्रणका लागि थापिएको पासोमा फसेको चितुवाको सोमबार राति उद्धार गरिएको हो । 

राष्ट्रिय प्रकृति संरक्षण कोष शुक्लाफाँटा कञ्चनपुरको टोली, डडेल्धुराबाट आएका पशु डक्टर, र डिभिजन वन कार्यालयका वन अधिकृत नरेश कर्णसहितको संयुक्त टोलीले चितुवाको सकुशल उद्धार गरेको डिभिजन वन कार्यालय बैतडीका प्रमुख भरतप्रसाद भट्टले बताए । चितुवाको उमेर ५ देखि ६ महिना रहेको अनुमान गरिएको छ। चितुवालाई शुक्लाफाटा वन्यजन्तु आरक्षणका कर्मचारी मार्फत निकुञ्जमा छोड्ने वताएका छन।