काठमाडौँ । अमेरिकामा राष्ट्रपति डोनाल्ड ट्रम्पले सपथ लिए लगत्तै अवैध आप्रवासीलाई पक्राउ अभियान तिव्र पारिएको छ । जस अन्तर्गत सोमबार एकै दिनमा मात्रै कागजात नभएका १ हजार ७ सय ४९ आप्रवासीहरूलाई पक्राउ गरिएको छ । 

अमेरिकी अध्यागमन तथा भन्सार प्रवर्तन विभागले सोमबार सो संख्यामा कागजात नभएका आप्रवासीहरूलाई पक्राउ गरेको बताएको छ । यस अघि आइतबार पनि सोहि हाराहारीमा पक्राउ गरिएको थियो । आईसिइले गत आइतबार ९ सय ५६ वटा यस्ता गिरफ्तारी गरेको अन्तराष्ट्रिय सञ्चार माध्यामहरुले बताएका छन् ।