महान पर्व हरीतालिका घरैमा आइसक्यो
गहना कपडाले बजार गुल्जार बनिसक्यो
साडी ब्लाउज गहनाले सजिएका चेलीले
छमछम नाची रमाइलो आँगन बनिसक्यो ।
हुँदैछन् संस्कृति संरक्षण ती रितिरिवाजहरु
पस्किदैछन् चेली गीतले भोगेका अनुभवहरु
घिन्ताङ्ग मादलको तालमा लोकभाका गाएर
बारुल्ले कम्मर भाँचेर नाच्दैछन् तिँ नारीहरु ।
थरीथरीका रंगीन साडी र ब्लाउज लगाएर
घाँटीमा तिलहरी कानमा झुम्काले सजिएर
भागेर माइती नआउनु मुख नलाग्नु कसैको
भन्ने शन्देशका गित गाउँदै नाच्दछन् खुलेर ।
दाजु भाई दिदी बहिनी लिन पराइ घर जाने
दिदीबहीनी माइती-साथ जन्म घरमा आउने
तिजको अघि चेलीलाई मिठोमसिनो खुवाउने
यहि चलन हो तिजको सुखदुख भजनमा गाउने ।
घट्दैछन् आजभोली मौलिक गित भाकाहरु
बढ्दैछन् पश्चिमाका खाना लुगा र संस्कृतिहरु
छक्क पर्छु आजभोली हुने खर्च देखी तिजका
नक्कल भन्दा आफ्नै जोगाउँ चलन र रितीहरु ।
२०८१/५/२१ तिज, हरीतालिका ।
२०८१ भदौ २१ १५:०५ बजे
२०८१ भदौ २१ १५:०५ बजे
प्रतिक्रिया