धनगढी। हिजो भारतीय प्रधानमन्त्री नरेन्द्र मोदीले प्राण प्रतिष्ठा गरेको भनिएको अयोध्यामा नव निर्मित श्रीराम मन्दिरको  निकै आकर्षक रहेको छ।परम्परागत नागर शैलीमा बनेको  मन्दिरको लम्बाइ पूर्व-पश्चिम ३८० फिट, चौडाइ २५० फिट र उचाइ १६१ फिट छ । तीन तले मन्दिर, प्रत्येक तल्लाको उचाइ २० फिट, कुल ३९२ स्तम्भ, ४४ ढोका । भूतल्लामा गर्भगृह भगवान् श्री रामको बाल स्वरूप (श्री रामलिला) को विग्रह, पहिलो तल्ला गर्भगृह श्री राम दरवार । कुल पाँच मंडप नृत्य मंडप, रंग मंडप, गुड मंडप, प्रार्थना मंडप, कीर्तन मंडप रहेको छन।

मन्दिरको स्तम्भ र पर्खालहरूमा देवी, देवता र नर्तकहरूका मूर्तिहरू रहेका छन । पूर्वबाट ३२ पाइला (उचाइ १६.५ फिट) चढेर सिंहद्वारबाट प्रवेश हुनेछ ।अशक्त र वृद्धहरूका लागि र्याम्प र लिफ्टहरूको व्यवस्था  गरिएको छ। चारैतिर गोलाकार पर्खाल  लम्बाइ ७३२ मिटर, चौडाइ ४.२५ मिटर, पर्खालको चार कुनामा चारवटा मन्दिर भगवान् सूर्य, शंकर, गणपति, देवी भगवती  रहेका छन । पर्खालको दक्षिणी भागमा हनुमान मन्दिर र उत्तरतर्फ अन्नपूर्ण माताको मन्दिर रहेकोछ ।

मन्दिरको दक्षिणी भागमा रहेको पौराणिक सिताकूप  मन्दिर परिसरमा महर्षि वाल्मीकि, महर्षि वशिष्ठ, महर्षि विश्वामित्र, महर्षि अगस्त्य, निषादराज, माता शबरी र देवी अहल्याको प्रस्तावित मन्दिर हुने छन। दक्षिण-पश्चिम भागमा रहेको नवरत्न कुबेर डाँडामा अवस्थित शिव मन्दिरको जीर्णोद्धार र रामभक्त जटायुराजको मूर्ति स्थापना गरिएको छ।