डडेल्धुरा। डडेल्धुराको जिल्ला सदरमुकाम किर्तिपुरबाट झण्डै ५९ हजार नगदसहित ५ जना जुवाडे पक्राउ परेका छन् । अमरगढी नगरपालिका–५ किर्तिपुरस्थित करन रोकायाको घरको आगनमा जुवा खेलिरहेका पाँच जनालाई आईतबार राती ११ः५५ बजेको समयमा प्रहरीले पक्राउ गरेको हो ।

उनीहरुको साथबाट ५८ हजार ८५० रुपियाँ नगद रकम पनि बरामद गरिएको जिल्ला प्रहरी कार्यालय डडेल्धुराका सूचना अधिकारी तथा प्रहरी निरीक्षक कुसुम नायकले बताए ।जुवाडेहरुको नाम भने सार्वजनिक गरिएको छैन।