डडेल्धुरा, । डडेल्धुरा सदरमुकामबाट १ किलो मिटर टाढा हाईबे सडककै छेउमा निर्माण भएको २० लाख बराबरको हरित पार्कको कामले बन डिभिजन कार्यालय भित्रको ब्यापक आर्थिक अनियमितताका घटना छलाछुल्ल भईरहेका छन । यो घटना लाइ राष्टिय तथा स्थानिय अनलाइन,  पत्रपत्रिका, रेडियोहरुले समाचार प्रकाशन \प्रसारण गरेका थिए। 

बन डिभिजन कार्यालय डडेल्धुराका सहायक बन अधिकृत रणेन्द्र सिंहको नाममा २० लाख पेश्की देखिएको छ तर उक्त पेश्की बाफतको काम ३० प्रतिशत पनि भएको छैन उल्टै सम्पन्न गर्नुपर्ने हरित पार्ककको फोटो एकाएक समाजिक संञ्जालबाट भाईरलभएपछि बन कार्यालयले सम्पादन गरिरहेको काम प्रति झनै  आशंका बढाएको हो । हरित पार्कका नाममा गोरक्षनाथ मन्दिर परिसर भित्र बनाएको ट्रष्टले खिल्ली उडाएपछि चौतर्फी रुपमा बन डिभिजन कार्यालय प्रतिको बिश्वास घटेको छ । 

कर्मचारीकै नाममा पेश्की कामको पनि जिम्मा लिएर पेश्की रकम लिएर समयमै काम गर्न नसक्नुमा ति बन कर्मचारीको चरम लार्पवाही हो की काम नै नगरि बाँकी रहेको रकम गोजीमा राख्ने नियत त होईन सबैको आशंका छ । एक लाख भन्दा बढी पेश्की रकम कर्मचारीका नाममा दिदाँ माथिल्लो निकाय अथवा क्षेत्रिय बन निर्देशनालयबाट अनिवार्य अनुमती लिनुपर्ने हुन्छ तर त्यो सहमती नलिई कार्यालय प्रमुखकै आदेशमा पेश्की रकम लिईएको बुझिन आएको छ । 

प्रकृती एउटै छ जोगबुढामा निर्माण भएको ट्रे पार्क,योगा भबन,चौतारो,घेरबार लगायतको काम २० लाखमा सम्पन्न भएको देखिन्छ तर त्यो उपभोक्ता समितिबाट गरिने र यता जिल्ला सदरमुकाममकै छेउछाउमा हुने कामहरुको जिम्मा कर्मचारी बाटै गरिने बाध्यता डिभिजन बन कार्यालयलाई किन आई परयो यसको जवाफ दिनुपर्नेमा सरोकारवालाको जोड रहेको छ । 

डडेल्धुरा सदरमुकामको गोरक्षनाथमा भएको पार्क कर्मचारीको जिम्मा लगाएर काम नगरि रकम फ्रिज हुने अबस्थामा पुगाउने कर्मचारी माथी डिभिजन बन कार्यालयले कस्तो कार्वाहि गर्ला यो बिषय निकै चासो पुर्बक हेरिएको छ ? पार्कको मात्रै फ्रिज गरिएको छैन उग्रतारा मन्दिरको परिषर भित्र घेरबारका नाममा रणेन्द्र सिहको नाममा थप २० लाखको थप पेश्की रहेको देखिएको छ । त्यो रकमको काम पनि सुरु नै गरिएन त्यो रकम पनि फ्रिज भएको अबस्था छ अब भन्नुहोस यसको जिम्मा सम्बन्धित ब्यक्तिले लिने की फ्रिज भयो भनेर आलटाल गर्ने डिभिजन बन कार्यालयले जिम्मा लिने ? जिल्लाको बिकास निर्माणमा भएको घाटाको जिम्मा कसले लिने भनेर सरोकारवाला निकायले प्रश्न गरिरहेका छन । 

यसरी निर्माणको सरचनामा मात्रै कर्मचारीबाट लार्पवाही भएको छैन नियमितता गर्ने नियतमाथी नै आशंका छ एकजना कर्मचारीले भने बृक्षारोपणका नाममा समेत ब्यापक अनियमितता भएको देखिन्छ ।  बन कार्यालयमा देखा परेको आर्थिक अनियमिताको घटना बाहिर आएपछि यो घटनाका बिषयमा कर्मचारीहरु आत्तीएका देखिन्छन र उनीहरुले आज ३३ लाख बराबरको पेश्की रकम खातामा जम्मा गरेको कार्यालयका कर्मचारीहरु बताउन थालेका छन । कुरा पेश्की रकम लिएर काम समयमै नगरि फ्रिज गर्ने कर्मचारीमाथी कारबाही हुन्छ की हुदैन र कार्यालयभित्र देखिएको बेथितीका बिषयमा छानबिन हुन्छ की हुदैन आम प्रश्न बनेको छ ।