रौतहटमा आमा र २ वर्षीया छोरीको हत्या, शङ्काको घेरामा श्रीमान

bimbonline बिम्ब अनलाइन
२०८० असार १६ १४:३७ बजे

काठमाडौँ । रौतहटमा आमाछोरीको हत्या भएको छ । मौलापुर नगरपालिका-४ पतौरामा २४ वर्षीया कविता देवी र उनकी २ वर्षीया छोरीको हत्या भएको हो ।

प्रहरीकाअनुसार कविताको शव घरभित्रै फेला परेको हो । छोरीको शव भने पङ्खामा झुन्डिएको अवस्थामा फेला परेको हो । घटना पश्चात् मृतकका श्रीमान धिरेन्द्र साह, उनका बुवा नागेन्द्र साहलगायत परिवारका सदस्यहरू फरार रहेका छन् ।

मृतकका जेठानी र सासूलाई सोधपुछका लागि ल्याएको जिल्ला प्रहरी कार्यालय रौतहटका उपरीक्षक वीरबहादुर बुढामगरले  बताएका छन् ।  मृतको श्रीमान अहिले सम्म पनि पक्राउ पर्न सकेका छैनन् । घटनाबारे प्रहरीले अनुसन्धान थालेको छ ।  दाइजोका कारण हत्या भएको हुन सक्ने आशङ्का रहेको छ ।

तीन वर्षअघि विवाह गरेकी कवितालाई उनका श्रीमानले पटक९पटक दाइजोका लागि यातना दिने गरेको खुल्न आएको छ । 

२०८० असार १६ १४:३७ बजे

प्रतिक्रिया