काठमाडौँ । बझाङबाट कामठाडौँ आउँदै गरेको यात्रु बस कपिलवस्तुमा दुर्घटनामा परेको छ । बस दुर्घटना हुँदा ६ जना घाइते भएका छन् । ना ६ ख १३३९ नम्बरको बस आज बिहान पाँच बजे शिवराज नगरपालिका–३ देउराली मोडमा दुर्घटनामा परेको हो । 

घाइतेहरूको चन्द्रौटास्थित सन्जिवनी सामुदायिक अस्पतालमा उपचार भइरहेको छ । घाइते सबैको अवस्था सामान्य रहेको छ ।

दुर्घटनामा परि २ महिला र ४ जना पुरुष घाइते भएका छन् । दुई जना घाइतेको अवस्था मध्यम खालको थियो । उपचारपछि अहिले  सबैको अवस्था सामान्य रहेको छ । बसमा ४० जना यात्रु सवार रहेका थिए ।