काठमाडौं । नेपालबाट २ अगष्ट (१७ साउन)मा चीन पुगेका १५ यात्रुमा कोरोना भाइरस (कोभिड(१९) को संक्रमण पुष्टि भएपछि हिमालय एयरलाइन्सको चीन उडान रोकिएको छ ।

काठमाडौंबाट कुनमिङका लागि हिमालयले सातामा एक उडानको अनुमति पाएको छ । सो उडान समेत अब २२ अगष्ट (६ भदौ)बाट १३ सेप्टेम्बर (२८ भदौ)  सम्म रोकिएको   नेपाल नागरिक उड्डयन प्राधिकरण ले जनाएको छ । 

चीनले एकै उडानमा १० भन्दा बढी मानिसमा कोरोना भाइरसको संक्रमण भएमा कारबाही स्वरुप उडान  रोक्दै आएको छ ।