डोटी।  

खरिदार साहेवबाट

सुब्बा साहेवमा बढुवा भएको दिन

स्टाफ साथीहरूको बधाई र

जलपानको आग्रहलाई स्विकारेर

घरमा सूचना नै नदिई

रमाइलो साँझ भन्दै

उ खुसियालीमा जुटिरहेको थियो ।

घरमा बालबच्चा रातीसम्म

घरमा नआएपछि आत्तिएर

बाबा - बाबा  भन्दै

रोई कराइ गरे होलान्

श्रीमतीले भान्सामा 

चिन्तामै रात बिताई होलिन्

बुढि आमा रातभर 

चिन्तामा डुव्नु भयो होला

बृद्व बा को चिन्ताले कंन्चटबाट 

पसिना छुट्योहोला ।

यता उ भने 

यता उ भने खुसियाली भनेर 

ह्विस्किमा रमाइरहेको थियो

बोत्तलमा झुमिरहेको थियो 

ग्रेभि मासु सुकुटी मासु, 

रोष्ट र अचार 

मस्तिले खाईरहेको थियो

साथीहरुलाई पनि थपि थपि

खाउ खाउ भनिरहेको थियो

शायरी र गितहरुमा 

उडीरहेको थियो

साथीहरुको साथ र हौस्याइमा

बहुतै रमाइरहेको थियो ।

उ र उसका साथीहरु 

बोत्तलहरुको झोल पिउदै 

एकपछि अर्को रित्याउँदै थिए

बोत्तलहरु मागिदै जान्थे 

साहुजी बोत्तल थप्दै जान्थे

बोत्तलको सँख्या र मासु अनि 

काजु बदामको मात्रा

खातामा चढाईरहेका हुन्थे

बढुवाको खुसियालीमा ।

कति चिज खाए 

कति मदिरा पिए थाहाँ भएन

कति सिसि रित्याए 

उसलाई सम्झना थिएन

केटाहरुले चिसो 

कठ्याङ्ग्रिएको खाना ल्याएपछि 

उनिहरुको पिउने क्रम रोकियो

कतिखेर निदायो उ पत्तो थिएन ।

भोलिपल्ट बिहान उठ्दा भने २

उसको घाँटी सुकिरहेको थियो

तिर्खा लागेर पानी मागिरहेको थियो

टाउको पनि दनदनी 

दुखिरहेछ भनिरहेको थियो

चिया पिउन नसक्ने गरि 

टाउको ह्याङ भयो भन्दै थियो उ

बढुवाको खुसियालीमा ।

साहुजिको बिल आएपछि

ह्विस्कि र रमको नसाले छोडेछ क्यारे

थाहाँ पायो पछिल्लो महिनाको

तलव पनि तिर्नु पर्ने भएछ ।

प्रमोसनको खुसियालीमा ।

घरमा पुग्दा सानि छोरी र  

पिँढिमा रुङेको छोराले उसलाई 

बाबा -बाबा  बिस्कुट बिस्कुट भन्दै

कोटका गोजा छामिरहेका थिए 

उ भने छोराछोरी तिर फर्केर 

भोलि ल्याईदिउँला है  बिस्कुट 

भन्दै फकाइरहेको थियो ।