काठमाडौं ।  रुपन्देहिमा गोली  चल्दा  एक जना युवा  घाइते भएको छन् ।  रुपन्देहीको ओमसतिया–४ स्थित वसन्तपुरमा गोली चलेको  हो । अज्ञात समूहले चलाएको गोली लागेर ३१ वर्षका विकास गुरुङ घाइते भएका  हुन् ।  

सिद्धार्थनगर नगरपालिका–१ बेलहिया घर भएका विकास गुरुङलाई गोली हानेपछि लुटेरा समूहले नजिकै रहेको सिद्धार्थ कटेज (ढावा पसल) बाट पैसा लुटेर भागेका   रुपन्देहीका एसपी रवीन्द्र रेग्मीले बताएका छन् । । प्रारम्भिक अनुसन्धानबाट २५ हजार लुटपाट भएको खुलेको एसपी रेग्मीले बताए । गोली हान्नेहरू पल्सर मोटरसाइकलमा आएका थिए । राति पौने १२ बजेतिर गोली प्रहार भएको र घटनाबारे अनुसन्धान भइरहेको एसपी रेग्मीले  जनाएका छन् । 

घाइतेको युनिभर्सल मेडिकल कलेज भैरहवामा उपचार भइरहेको छ । विकास भन्सारमा सामान पास गराउने काम गर्दै आएका थिए ।