काठमाडौँ । कैलालीमा मोटरसाइकल दुर्घटनामा  परी गम्भीर घाइते भएका ट्राफिक प्रहरीका सहायक हबलदार जनक धामीको मृत्यु भएको हो ।  

 धामी बिहीबार साँझ धनगढीको मोहनापुल–अत्तरिया ६ लेन सडक खण्डमा आफैँले चलाएको म १ प ३८७४ नम्बरको मोटरसाइकल दुर्घटना हुँदा गम्भीर घाइते भएका थिए।

मेट्रो अस्पतालमा उपचाररत धामीको शनिवार राति मृत्यु भएको ट्राफिक प्रहरी कार्यालय कैलालीका प्रमुख प्रहरी निरीक्षक वीरेन्द्र जोहोरीले बताएका छन् । बिहीबार साँझ करिब ७ बजेको समयमा राजपुरमा सवारीसाधन चेकिङका लागि गइरहेका बेला गाईसँग ठोक्किएर धामी दुर्घटनामा परेका थिए ।