दार्चुला। दार्चुलामा तुइनबाट खसेर महाकाली नदीमा बेपत्ता भएका सिङ्दलसिंह भण्डारीको शव भेटिएको छ । उनको शव भारततर्फ मन्ती भन्ने स्थानमा महाकाली नदी छेउमा फेला परेको हो । दार्चुला व्याँस गाउँपालिका २ दुम्लिङका ४५ वर्षीय भण्डारी आज दिउँसो तुइनबाट महाकालीमा खसेर बेपत्ता भएका थिए ।

नेपालबाट भारत जाने बेला तल्लो दुम्लिङस्थित तुइन घाटबाट खसेर बेपत्ता भएका हुन् । भण्डारीको शवलाई नेपाल तर्फ ल्याइसकेको जिल्ला प्रहरी कार्यालय दार्चुलाका प्रवक्ता प्रहरी निरीक्षक ज्ञानेन्द्रबहादुर सिंहले बताएका छन् ।