काठमाडौं ।  रुकुमपूर्वमा प्रहरीको भ्यान दुर्घटनामा  परेर ६ जना  घाइते भएका छन् ।  आज  दिउँसो रुकुमकोटबाट पुथाउत्तरगंगा गाउँपालिका जानेक्रममा सोही गाउँपालिकाको वडा नम्बर ११ सेरामा भ्यान दुर्घटना परेको  हो । 

प्रहरीका अनुसार भ्यानमा ६ जना सवारमध्ये ३ जना गम्भीर र ३ जना सामान्य घाइते  भएका छन् ।  लु १ झ ६६० नम्बरको प्रहरीको भ्यान दुर्घटनामा परेको हो । गम्भीर घाइते हुनेमा प्रहरी हवल्दार कुमार डाँगी, प्रहरी जवान लक्ष्मण पुन र सन्तोष बुढा रहेका छन् । 

 प्रमुख जिल्ला अधिकारी तुलाराज सुनुवारका अनुसार  घाइतेहरुको  उपचारका लागि  नेपाली सेनाको हेलिकोप्टर मार्फत नेपालगञ्ज पठाइएको छ ।  प्रहरीको भ्यानमा नेपाल प्रहरीका प्रहरी नायब उपरीक्षक (डीएसपी) प्रकाश डाँगी र सशस्त्र प्रहरीका प्रहरी नायब उपरीक्षक (डीएसपी) रविन्द्र श्रेष्ठसहित ६ जनाको सवार रहेको सुनुवारले  बताएका छन् ।