काठमाडौँ । विन्डोज एक्स-पी  भर्सनमा देखिने यो तस्बिरको विश्वभर चर्चा  कमाएको मध्येको एक  तस्बिर हो । २००१ र २००७ को बिचमा, यो तस्बिर प्राय विन्डोज एक्स पी डेस्कटपहरूमा वाल पेपरको रूपमा देखा पर्‍यो। तर, यसपछि पनि यो तस्बिर डेस्कटपमा कायमै छ । यो तस्बिर लाही लिएर धेरैजसोले सोचे कि यो नक्कली हो, संसारमा त्यस्तो कुनै ठाउँ छैन। तर, यो तस्बिर वास्तविक हो ।

नीलो आकाश र टाढा देखिने घाँसको हरियो क्षेत्र भएको यो फोटो क्यालिफोर्नियाको सोनोमा भागको हो। यो तस्बिर फोटोग्राफर चार्ल्स ओरियरले जनवरी १९९६ मा खिचेका थिए। चार्ल्सले दिउँसो यो तस्विर क्लिक गरे। त्यो बेला उनी आफ्नी प्रेमिकालाई भेट्न जाँदै थिए । यात्राको क्रममा उनले यो तस्विर खिचेका थिए ।

यो तस्बिर कहाँको हो, वास्तविकतामा त्यो ठाउँ कस्तो छ र कसले खिच्यो त्यो तस्बिर जुन संसारभरका कम्प्युटरमार्फत प्रयोगकर्तासम्म पुग्यो ?उनको तस्बिर विशाल टेक कम्पनी माइक्रोसफ्टले आफ्नो  विन्डोज एक्स पी संस्करणमा वाल पेपरको रूपमा प्रस्तुत गरेको थियो। यो तस्बिर ह्वाइट हाउसदेखि रुसी राष्ट्रपतिको अफिसियल कम्प्युटरमा देखिन थालेको थियो । यो तस्बिर विश्वभरि नै पुगेको थियो ।  

२०१४ देखि प्रतिबन्धित

२०१४  मा, माइक्रोसफ्टले यसलाई आफ्नो विन्डोज डाटाबाट हटायो। यो निर्णय हुनुअघि यो तस्बिर ३० करोड कम्प्युटरमा प्रयोग भइरहेको थियो । हाल, विश्वभरका ०.१ प्रतिशत प्रयोगकर्ताहरूले अझै पनि यसलाई प्रयोग गरिरहेका छन्।

चार्ल्सका अनुसार त्यो तस्बिरमा रङहरू थप्नका लागि फुजी फिल्म प्रयोग गरिएको थियो, तर मलाई विश्वभर चिनिन्छ भन्ने कल्पना थिएन। मैले यो तस्बिर ह्वाइट हाउसको अवस्थाको रूपमा पनि देखेको थिएँ।  चार्ल्सका अनुसार पहिले यो पहाडको अवस्था फरक थियो अहिले फरक छ । अहिले पहाडमा खेती भइरहेको छ । अहिले पहाडको पछाडि रुखहरू पनि उम्रिएका छन् ।