न्यानो पारी ओछ्यानमा सुताएको सम्झेँ

हात समाइ आँगनमा घुमाएको सम्झे

छातिमाथि लुकाएको पल बिर्शेको छैन

घाँस राखी डोकोमाथि डुलाएको सम्झे ।

काम बिग्रेमा नदोर्‍याउन सम्झाउनु हुन्थ्यो 

कसैले गालि दिँदा मन दुखाएको सम्झे ।

राम्रो काममा स्याबास् बाबु भन्नुहुन्थ्यो आमा

कोखाई कोखाई भन्दै माम् खुवाएको सम्झेँ ।

यो काम गरे बल किन्दिउँला पनि भन्नु हुन्थ्यो

मामा घर जाउँला भन्दै फकाएको सम्झे ।

अरुको चोट अनि गाली नसहने आमा

आमाको मन् आकाश् जस्तै फैलिएको सम्झे ।

आमा हुनेहरु आज आमालाई चिन्दैनन् 

हिरामोती भन्दा ठुली आमा भएको सम्झे ।