माठमाडौं । महानगरपालिकाले सिंहदरबारले असहयोग गरेको भन्दै सिंहदरबार क्षेत्रको फोहोर नउठाउने भनेपछि  सिंहदरबारको फोहोर उठ्न सकेको छैन । विगत ५ दिन देखि सिंह दरबारको फोहोर जस्ताको त्यस्तै रहेको छ ।  

 माठमाडौंको फोहोरका विषमा मन्त्रपरिषद्स्तरीय बैठक बसेको थियो । उक्त बैठकमा २४ घण्टा भित्र फोहोर सफा गर्नका लागि आवश्यक कदम चालिने बताइयो । २४  घण्टा बित्दा पनि यस क्षेत्रको फोहोर भने जस्ताको त्यस्तै रहेको छ ।  काठमाडौं महानगरपालिकाले संवाद गर्नै नमानेपछि यो अवस्था आएको हो । 

लामो समयसम्म नउठेको फोहोर उठाउने विषयमा भने सरकार, सहरी विकास मन्त्रालय र महानगरपालिका बिच  कुनै सहकार्यको सम्भावना देखिएको छैन । 

 काठमाडौं महानगरपालिकाले फोहोर नउठाएपछि अहिले सरकार प्रमुखका निवासीहरूको फोहोरको चाङ लागेको छ । राष्ट्रपति निवास , प्रधानमन्त्री निवास ,मन्त्री निवास सभामुख निवास र राष्ट्रियसभाका अध्यक्षको निवासमा अहिले फोहोरको चाङ लागेको छ । सरकारले भने आफूहरू फोहोरको दीर्घकालिक व्यवस्थापनका लागी  काम गरिरहेका बताएका छन् ।