काठमाण्डौ  - विषेश अदालतले हिजो मंगलबार मनाङबाट निर्वाचित नेपाली कांग्रेसका सांसद टेकबहादुर गुरुङ सहित ९ जनालाई भृकुटीमण्डप जग्गा भाडा सम्बन्धी मुद्दामा भ्रष्टाचारी ठहर गर्यो, पूर्वमन्त्री गुरुङसहित तत्कालीन महिला बालबालिका तथा समाजकल्याण मन्त्री बद्रीप्रसाद न्यौपाने पनि दोषी ठहर भएका छन् ।

विशेष अदालतको यो फैसलापछि गुरुङ सांसद पदबाट निरन्तर निलम्बित हुने निश्चित भएको छ । उनी सर्वोच्च अदालत गएर सफाइ पाएमा मात्रै सांसदको रुपमा क्रियाशिल हुन पाउँछन् । मनाङबाट निर्वाचित उनी सांसद भएर काम गर्न पाएका छैनन् । भ्रष्टाचार मुद्दाका आरोपितहरु निर्वाचित भए पनि स्वतः निलम्बित हुने कानूनी व्यवस्था छ ।भ्रष्टाचारी आरोपित लाइ मतदान गरेर निर्वाचित गराउने जनताले मतदान गर्दा विचार गर्ने हो कि?

विशेष अदालतले भृकुटिमण्डपको जग्गा भाडा अनियमितताको मुद्दामा तत्कालिन मन्त्री एवं समाजकल्याण परिषदका अध्यक्ष बद्रीप्रसाद न्यौपाने, उपाध्यक्ष प्रमोद मेहता, कोषाध्यक्ष कुञ्ज विहारी प्रसाद चौधरी, सदस्यहरु मोहनराज शर्मा, मदन कुमार लाल कर्ण, हरि न्यौपाने र  सदस्य सचिव रविन्द्र कुमार यादवलाई दोषी ठहर गरेको हो ।जग्गा भाडामा लिइ मेला सञ्चालन गर्ने मेलाका सञ्चालकहरु रविन्द्र गुरुङ र टेक बहादुर गुरुङ पनि भ्रष्टाचारमा दोषी ठहर भएका छन् । तिन वर्ष वा सो भन्दा वढिकैद सजाय हुने मुद्दामा छुट्टै सजाय निर्धारण गर्नु पर्ने कानुन व्यवस्था भएको हुदा यिनिहरु लाइ कति वर्ष कैद हुन्छ सो कुरा अदालतले सजाय निधारण गर्न भन्ने वाकि छ।