काठमाडौं ।  काठमाडौंको संसद् भवन अगाडि आफ्नो शरीरमा पेट्रोल छर्केर आगो लगाई आत्मदाह गरेका प्रेमप्रसाद आचार्यले आत्मदाह गर्नुको कारण खुलेको छ ।  उनी मानसिक राग लागेको चिकित्सकहरुले जनाएका छन् । 

जिल्ला स्वास्थ्य कार्यालय कटुञ्जे भक्तपुरले आत्महत्या, रोकथाम तथा न्युनीकरण विषयमा सरोकारवालाहरुसँंग गरेको छलफलमा मनोचिकित्सक डा.दुर्गा थापाले यदी समयमै त्यसको उपचार गरेको भए, त्यो अवस्था नआउने बताइन् । 'त्यसकारण मानसिक रोगलाई बेवास्ता गर्न मिल्दैन, उनले भनिन्, 'मानसिक रोग उपचार गरे निको हुन्छ ।' 

औषधिको सेवन, मनोपरामर्श तथा पुनर्स्थापनाजस्ता उपचार विधिद्वारा यो रोगको  छुटकारा पाउन सकिने उनले बताइन् । मानसिक रोग, आत्महत्याप्रतिको गलत धारणालाई हटाउन यस विषयमा चेतनामूलक कार्यक्रम सञ्चालन गर्नुपर्छ । यस विषयमा अभियान नै सञ्चालन गर्नु जरुरी रहेको उनले बताइन् ।