काठमाडौं । मुस्ताङ जोमसोमदेखि पोखराका लागि छुटेको बस कालीगण्डकीमा  खसेको छ ।  बस कालीगण्डकीमा  खस्दा २ भारतीयसहित १७ जना घाइते भएका छन् ।  बस थासाङ गाउँपालिका-३   धम्पु भन्ने ठाउँमा बस खसेको हो । 

ना ७ ख ७४४० नम्बरको बस नदीमा खस्दा बसमा सवार सबै जना घाइते भएको र २ जनाको अवस्था गम्भीर रहेको प्रहरी  प्रहरीले जनाएको छ । बस करिब ४५ मिटर तल खसेको हो ।

बस सीधै पानीमा खसेको र प्रहरी कार्यालय पनि नजिकै रहेकाले छिटो उद्धारसमेत भएकाले अरु क्षतिबाट बचेको हो । 

गम्भीर घाइते २ जनासहित १४ जनालाई थप उपचारका लागि एम्बुलेन्समार्फत पोखरा पठाइसकिएको छ भने बाँकी तीन जना सामान्य घाइतेको थासाङ ३ स्थित लेते प्राथमिक स्वास्थ्य केन्द्रमा उपचार भइरहेको छ । दुर्घटनामा पर्नेहरू घुम्न गएका पर्यटक र स्थानीयहरू समेत छन् ।