काठमाडौं । आन्दोलनरत यातायात मजदुरहरूले प्रहरी बिटमा आगजनी गरेका छन् ।माछापोखरीको अस्थायी प्रहरी बिटमा यातायात मजदुरहरूले आन्दोलन गरेका हुन् ।

दिउँसो एक बजेदेखि नै यस क्षेत्रमा आन्दोलनरत मजदुरहरूले केहीबेर अघि प्रहरीका दुई वटा भ्यानमा आगजनी गरेका थिए । प्रहरीविरुद्ध आक्रामक रुपमा प्रस्तुत भएका आन्दोलनकारीहरूले अस्थायी प्रहरी बिटमा पनि आगजनी गरेका हुन् ।

आन्दोलनकारीहरूले ट्राफिक प्रहरीले सडक व्यवस्थापनमा राखेको डिभाइडर, चोकमा प्रहरी उभिने आइल्याण्ड लगायतका संरचनामा समेत आगो लगाएका छन् । यतिबेला प्रहरी घटनास्थलमा पुगेको छ । केही सेल अश्रुग्यास प्रहरीले आन्दोलनकारीमाथि चलाएको छ । जवाफमा प्रदर्शनकारीहरूले प्रहरीमाथि ढुंगामुढा गरेका छन् ।