गोमा जोशी
विकृति
तिम्रो रुप फेरिएछ आज
हिजो तिम्रो आगमनमा
मेरि आमा अनि
हजुर आमाले
झुत्रो गुनियो चोलिमा सजिएर स्वागत गर्थे रे
तिम्रो रुप फेरिएछ
आज त तिम्रो आगमनको
पूर्व सन्ध्यामा नै
ऋण सापटी गरेरै भएपनी
हरियो सारी हरियो चुरा
अनि हरियो पोतेको
जोहो गर्नै पर्छ
किन कि मेरो श्रीमान् को
दिर्घायुको कामना गर्न
म भोक भोकै मरेर पनि
व्रत बस्नु पर्छ।।
अनि छिमेकीलाई देखाउने भएपनि
हरियो पहिरनमा मन्दिर धाउनै पर्छ।।
भो! अब त तिमिले मलाई
भ्रममा पार्न
बिकृती विसङ्गती
बोकेर नआउ
गरिबका लागि सास्ती बनेर नआउ
आउन त आउ
मेरो मन मस्तिष्कको भ्रम चिर्न आउ
सामाजिक विकृती विसङ्गती चिरेर
समाजिक सद्भाव बोकेर आउ
स्वागत छ तिमिलाई ।
प्रतिक्रिया