काठमाडौं ।  पाँचथरको फिदिम नगरपालिका ८ घुमाउनेटारमा आगलागीमा परी  दुई जनाको  मृत्यु भएको छ । । घुमाउनेटारका मेघबहादुर गुरुङको घरमा आगलागी हुँदा मेघबहादुका २२ वर्षीया छोरी ममता गुरुङ र २३ वर्षकी बुहारी आशासिंह थेबे (गुरुङ) को  मृत्यु भएको जिल्ला प्रहरी कार्यालय पाँचथरले जनाएको छ ।

५५ वर्षीय मेघबहादुर गुरुङ र उनका छोरा विजेन्द्र गुरुङ भने घाइते  भएका छन् । घाइतेको अवस्था सामान्य  रहेको छ । जिल्ला प्रहरी कार्यालय पाँचथरका प्रमुख हरि खतिवडाका अनुसार  घरमा सात जना सुतेका थिए । 

आगलागीबाट घर पनि पूर्ण रुपमा क्षति भएको छ । विद्युत् लाइन सर्ट भएर आगो लागेको हुन सक्ने प्रहरीले जनाएको छ ।  गएराति साढे १ बजेतिर लागेको आगो बिहान ४ बजेतिर नियन्त्रणमा आएको हो ।