काठमाडौं । धनुषाको मिथिला नगरपालिका-९, बडहरी पुलमा शनिबार बेलुकी ट्याक्टरमा कार ठोकिँदा एक जनाको ज्यान गएको छ । 

पूर्वबाट पश्चिमतर्फ जाँदै गरेको ज १ त ७८ ९७ नम्बरको फलाम बोकेको ट्याक्टरमा सोही दिशातर्फ जाँदै गरेको भारतीय नम्बरको कार हिजो शनिबार बेलुकी साढे ८ बजे ठोकिँएको थियो। 

दुर्घटनामा गम्भीर घाइते भएका कारमा सवार सर्लाहीको कविलासी नगरपालिका(१० बस्ने २५ वर्षीय राजेश रायलाई अस्पताल पुर्‍याउना ज्यान गएको हो । दुवै सवारी चालकलाई प्रहरीले नियन्त्रणमा लिएको छ ।