काठमाडौं । कैलालीको चौमाला बजारमा आगलागी हुँदा मोबाइल ग्यालरी पसल जलेर नष्ट भएका छन् ।  गौरीगंगा नगरपालिका वडा नम्बर १ मा पर्ने चौमाला बजारमा रहेको हिमाल मोबाइल ग्यालरीमा विद्युत तार सर्ट भएर आगलागी चएको हो । 

जिल्ला प्रहरी कार्यालय कैलालीका प्रवक्ता प्रहरी नायब उपरीक्षक (डीएसपी) वेदप्रकाश जोशीका अनुसार हिमाल मोबाइल ग्यालरीबाट सुरु भएको आगलागी फैलिएर चार वटा पसल जलेका हुन् । आगलागि भएका सबै पसल जलेर नष्ट भएका जोशीले जनाएका छन् । अहिले गोदावरी नगरपालिकाबाट दमकल मगाइएको छ । क्षतिको विस्तृत विवरण प्राप्त हुन बाँकी छ ।