काठमाडौं । भेरी नदीमा पौडी खेल्ने क्रममा डुबेर दुई जना बेपत्ता भएका छन् । शनिवार दिउँसो २ बजे बनभोज खान गएका दुई जना  बेपत्ता भएका हुन् ।  भेरीगंगा नगरपालिका–२ सत्तरीमा पर्ने भेरी नदीमा पौडी खेल्ने क्रममा बगेर बेपत्ता भएको जिल्ला प्रहरी कार्यालयले  जनाएको छ ।  

जिल्ला प्रहरी कार्यालयका प्रवक्ता डीएसपी सुरज कार्कीका अनुसार दैलेखको भगवतीमाई गाउँपालिका ४ घर भइ हाल वीरेन्द्रनगर नगरपालिका–३ बस्ने १९ वर्षीय छवि बुढा र वीरेन्द्रनगर ३ का १९ वर्षीय दिपक थापा बेपत्ता  भएक हुन् ।   
 प्रहरीका  अनुसार बेपत्ता भएकाहरूको  खाेजिकार्य भइरहेको छ ।