काठमाडौं । डेंगुका कारण कञ्चनपुरमा एकी किशोरीको  ज्यान गएको छ । कञ्चनपुरमा  १६ वर्षीया किशोरीको ज्यान गएको हो । डेंगुले बेलौरी नगरपालिका–१० की दीपा चौधरीको ज्यान गएको हो । 

बुधबार साँझ उपचारका लागि धनगढीस्थित निसर्ग अस्पताल पुगाइएकी चौधरीको डेंगुका कारण मृत्यु भएको हो।  दुई सातादेखि उनलाई डेंगुमा लक्षण देखिएका थिए ।   

ज्वरो बढेपछि थप उपचारको लागि एक साता अघि उनलाई धनगढी ल्याइएको थियो। तर, उपचारकै क्रममा उनको बुधबार साँझ मृत्यु भएको हो । चौधरी गाउँकै एक विद्यालयमा कक्षा ८ मा अध्यनरत थिइन्।