डम्मर धामी,डडेल्धुरा । डडेल्धुरा जिल्लाको परशुराम नगरपालिका मलास क्षेत्र भौगोलिक हिसाबले निकै दुर्गम रहेको छ । परशुराम नगरपालिकाको यस क्षेत्रमा यातायात र स्वास्थ्य उपचारको निकै समस्या रहेको छ ।
तस्बिरमा देखिएको फोटो आज बिहानको हो । मलास क्षेत्रको ददीगडमा आज एका बिहानै एक स्थानीयलाई प्रसव पीडा लाग्यो नजिक अस्पताल थिएन । नगरपालिकाको अस्पताल जाने हो भने ५\६ घण्टा लाग्छ त्यसमा पनि यातायातको सुविधा छैन् ।
परशुराम नगरपालिकाबाट बोकेर जोगबुढा अस्पताल लिनु भन्दा कञ्चनपुरमा को अञ्चल अस्पताल पुग्ने हो भने नगरको भन्दा छिटो उपचार गर्ने पाइन्छ ।
मलासबाट अहिले नत कञ्चनपुरका लागि यातायातको व्यवस्था रहेको छ नत जोगबुढा जानेको लागि नै । मलास बाट महेन्द्रनगर जाने हो भने दुई घण्टामा पुन्ग सकिन्छ । आज बिहान प्रसव पीडाले च्यापेका स्थानीयले कञ्चनपुरको महाकाली अञ्चल अस्पतालमा गएर बच्चा पाएका छन् । यसरी आफूले यातायातको सुविधा नभएको कारण कठिनाइ र पीडाहरू भोग्नु परेको स्थानीहरूकाे गुनासो रहेको छ ।
डडेल्धुरा भन्ने बित्तीकै शेर बहादुर देउवाको नाम आउँछ जुन जिल्लाबाट पटक पटक चुनाव जितेर पाँच पटक त प्रधानमन्त्री नै बनिसकेका छन् । अहिलेको स्थानीय तहमा पनि नेपाली कांग्रेसकै सरकार रहेको छ । मलास क्षेत्रमा यातायात, बिजुली, सञ्चार र खाने पानिको अभाव रहेको छ ।
प्रतिक्रिया