काठमाडौं । सल्यानमा शनिबार बिहान जिप दुर्घटनामा परि दुई जनाको ज्यान गएको छ । कुमाख गाउँपालिका ७ डुमकोटबाट शारदा नगरपालिका ११ स्थित खैराबाङ मन्दिरको दर्शनका लागि जाँदै गरेको रा १ ज ७९८ नम्बरको जिप बिहान कुमाख गाउँपालिका ७ चिसापानीमा नजिकै दुर्घटनामा परेको हो ।
कुमाख गाउँपालिका ७ डुमकोटका अन्दाजी ३९ वर्षीय मानबहादुर पुन र करिब १४ वर्षीया यनका पुनको जिप दुर्घटना परि ज्यान गएको जिल्ला प्रहरी कार्यालय सल्यानका सूचना अधिकारी सन्तोष खनालले बताएका छन् । घाइते कति छन् भन्ने यकिन भएको छैन । जिप सडकबाट करिब एक सय मिटर तल खसेको छ ।
मृत र घाइते सबै खैरावाङ मन्दिर दर्शनका लागि जान लागेका थिए । प्रसिद्ध खैरावाङ मन्दिर नेपालका शक्तिपीठमध्ये हो । मन्दिरमा दशैको अवसरमा विशेष पूजाआराधना लाग्ने गर्दछ ।
प्रतिक्रिया