काठमाडौं । साफ महिला च्यापियनसिपमा  आज नेपाल र श्रीलंका भिड्ने भएका छन् ।   खेल काठमाडौँको दशरथ रंगशालामा नेपाली समयअनुसार बेलुका साढे ५ बजे सुरु हुने  भएको छ । 

समूह ‘बी’को अन्तिम खेलमा श्रीलंकालाई हराएर समूह विजेताको रुपमा नेपाल सेमिफाइनलमा पुग्ने लक्ष्यमा रहेका छ। नेपालले पहिलो खेलमा भुटानलाई ४–० ले पराजित गरेको थियो । 

दुई खेल खेलिसकेको भुटान भने एकमा जित र एकमा हार व्यहोरेर समूह बी बाट सेमिफाइनल प्रवेश गरिसकेको छ।भुटानले श्रीलंकालाई ५–० ले हराएर सेमिफाइनलमा स्थान बनाएको हो।नेपालले सोमबारको खेलमा श्रीलंकालाई हराएमा वा बराबरमा रोकेमा समूह विजेता हुनेछ।