नेकपा (मशाल) नवलपुर ,प्यूठान र दाङले प्रशिक्षण कार्यक्रम सम्पन्न गरेको छ । नेकपाको स्थापना भएको ७५ वर्ष पुगेको अवसरमा हिरक वर्ष   मनाउने सन्दर्भमा प्रशिक्षण गर्ने पूर्व निर्धारित कार्यक्रम अन्तर्गत प्रशिक्षण कार्यक्रमहरू सम्पन्न भएको मशाल स्रोतले हाँकलाई बतायो ।

नवलपुर-यहि चैत्र ९ गते नेकपा ( मशाल) नवलपुरले प्रशिक्षण कार्यक्रम सम्पन्न गरेको छ । नेकपा (मशाल) का महासचिव सन्तबहादुर नेपालीको प्रमुख आतिथ्यतामा सो प्रशिक्षण कार्यक्रम सम्पन्न भएको थियो । ने.क.पा.(मशाल) जिल्ला समिति नवलपुरको आयोजनामा विशेष राजनैतिक, सैद्धान्तिक प्रशिक्षण महासचिव सन्तबहादुर नेपालीको प्रमुख आतिथ्यतामा सम्पन्न भएको छ । उक्त कार्यक्रममा ने.क.पा.(मशाल) का पि.बि.एम. विगुल र कुमुदको विशेष आतिथ्यता समेत रहेको थियो । कार्यक्रममा ने.क.पा.(मशाल) का महासचिव सन्तबहादुर नेपालीले मशालको नीति, सिद्धान्त, कार्यक्रम र पार्टी एकता सम्बन्धी प्रयासका बारेमा पार्टी कार्यकर्ताहरुलाई प्रष्ट पारेका थिए ।

त्यसैगरी बिगुल र कुमुदले संगठनात्मक पद्धति, पार्टी सदस्यका काम, कर्तव्य, अधिकार र जिम्मेवारीका बिषयमा प्रशिक्षण गरेका थिए । त्यस्तै हाउसबाट उठेका जिज्ञासाहरुको बिषयमा समेत घनिभुत छलफल भएको थियो । कार्यक्रममा आगामी सांगठनिक कार्यक्रम, पार्टीको हिरक जयन्ती वर्षको रुपमा प्रशिक्षण, अन्तरक्रिया र संघर्षका कार्यक्रमको अयोजना र आगामी राष्ट्रिय भेला आदि बिषयमा महत्वपूर्ण निर्णय समेत लिएको छ ।

उक्त प्रशिक्षण कार्यक्रमको अध्यक्षता पर्खाल,सन्चालन जिल्ला सेक्रेटरी राम प्रसाद सापकोटाले गरेका थिए । उपस्थित सबैलाई जिल्ला प्रबक्ता योगेन्द्र पौडेलले स्वागत गरेका थिए ।

प्यूठान-नेकपा (मशाल) प्यूठान जिल्ला समितिको आयोजनामा चैत्र १२ गते प्रशिक्षण कार्यक्रम सम्पन्न भएको छ । नेकपा (मशाल) का महासचिव सन्तबहादुर नेपालीको प्रमुख आतिथ्यतामा सम्पन्न कार्यक्रममा महासचिव नेपाली र पार्टी प्रवक्ता रामबहादुर बुढाले पार्टीको तत्कालीन कार्यक्रम, वर्तमान राजनीतिक परिस्थिति, आगामी कार्यक्रमबारे स्पष्ट गरेका थिए । नेकपा (मशाल) प्यूठानका सचिव विरबहादुर पुनको अध्यक्षता, सन्चालन जिल्ला प्रवक्ता ओविराम जि.एम. र स्वागत जिल्ला सदस्य अजयले गरेका थिए । कार्यक्रममा केन्द्रीय सल्लाहकार बेगम सिंहको समेत कार्यक्रममा आतिथ्यता थियो । प्रशिक्षणमा सहभाहीहरूले राखेका जिज्ञासालाई महासचिव नेपालीले स्पष्ट गरेका थिए । सहिदहरू प्रति एक मिनेट मौन धारण गरिएको थियो ।

दाङ-नेकपा (मशाल) दाङको आयोजनामा चैत्र १३ गते सम्पन्न भएकोछ । नेकपा (मशाल) दाङका सचिव रामबहादुर जि.एम.को अध्यक्षता, जिल्ला सदस्य शशिराम बुढाथोकीको सन्चालन र जिल्ला प्रवक्ता रेशम बि. सी.को स्वागतबाट कार्यक्रम अगाडि बढेको थियो । सहिदहरू प्रति एक मिनेट मौन धारण सहित अगाडि बढेको उक्त कार्यक्रममा प्रमुख अतिथि नेकपा (मशाल) का महासचिव सन्तबहादुर नेपालीले प्रशिक्षण भेलाको ब्यानर पढेर उद्घाटन गरेका थिए । महासचिव सन्तबहादुर नेपाली, प्रवक्ता रामबहादुर बुढा र केन्द्रीय सदस्य शशिधर भण्डारीले वर्तमान राजनीतिक परिस्थितिबारे प्रशिक्षण दिएका थिए । सहिदहरू प्रति एक मिनेट मौन धारण गरिएको थियो । प्रशिक्षण भेलामा सहभागीहरूले राखेका जिज्ञासालाई महासचिव नेपाली र केन्द्रीय सदस्य शशिधर भण्डारीले स्पष्ट गरेका थिए । सुदूरपश्चिममा यहि चैत्र १५ गते धनगढी रुपन्द्रेहिमा यहि चैत्र १७ गते र अर्धाखाचीमा पनि  नेकपाको स्थापना भएको ७५ वर्ष पुगेको सन्दर्भमा प्रशिक्षण कार्यक्रम हुदै जाने कुरा मशाल पार्टीले जनाएको छ।