बारा ।  बाराको सिम्रौनगढ नगरपालिका कार्यालयमा मेयर र उपमेयरका दुई पक्षबिच झडप हुँदा एक जनाको मृत्यु भएको छ भने स्थिति नियन्त्रणमा लिन प्रहरीले ४५ सेल अश्रुग्यास र १२ राउण्ड हवाई फायर गरेको छ । बाराको सिम्रौनगढ नगरपालिका कार्यालयमा दुई पक्षबिच झडप भएपछि प्रहरीले स्थिति नियन्त्रणमा लिन हवाई फायर गरेको हो । 

नगरपालिका कार्यालयमा नगर प्रमुखले प्रमुख प्रशासकीय अधिकृतलाई हाजिर गराउन लिएर गएको विषयलाई लिएर दुई पक्षबिच झडप भएपछि प्रहरीले स्थिति नियन्त्रणमा लिन हवाई फायर गरेको हो । बाराका प्रमुख जिल्ला अधिकारी नवराज सापकोटाले सिम्रौनगढ नगरपालिका वडा नं. १ बस्ने अन्दाजी २५ वर्षका लक्ष्मी मुखियाको निधन भएको पुष्टि गर्नुभयो ।

नगरपालीकामा विवाद मेयर र उपमेयरका विच भए पनि दुवै पक्षका समर्थकहरु विच झडप हुदा प्रहरीको गोली लागी एक जना सर्वसाधारणको मृत्यु भएको छ। मेयर उपमेयरको स्वार्थका लागी जनताले ज्यान गुमाउनु परेको छ।