डडेल्धुरा,फागुन २८ गते ।  नेपाल कम्युनिष्ट पार्टी (एमाले)ले संचालन गरेको मिसन ग्राँसरुट अभियान आजबाट डडेल्धुराको अमरगढी   नगरपालिकामा पनि सुरु भएको छ ।

 नेकपा एमालेका केन्द्रीय सदश्य तथा सुदुरपश्चिम प्रदेश सरकारका पुर्ब अर्थमन्त्री झपट बोहराले ग्रासरुट अभियानको एक औपचारिक कार्यक्रमका बिच उद्घाटन गर्नुभएको हो । ग्रासरुट अभियानले संगठनलाई चुस्त दुरुस्त र जनताका बिच लोकप्रिय पार्टी संगठन बनाउन मद्धत पुग्ने आमकार्यकताको भनाई रहेको छ । 

अमरगढी नगर कमिटि अध्यक्ष गणेश कठायतको अध्यक्षतामा सम्पन्न भएको ग्रासरुट अभियनाको उद्घाटन गर्नुहुदै केन्द्रीय परिबेक्षक बोहराले पार्टी संगठनलाई चुस्त दुरुस्त बनाउन मद्धत पुग्ने बताउनुभयो । कार्यक्रममा नेकपा(एमाले)का केन्द्रिय सदस्य एव पुर्वमत्री पठान सिह वोहरा, सविधानसभा सदस्य ज्ञानु गैरे समेतका एमाले नेता कार्यकर्ताको उपस्थिति रहेको थियो।

 डडेल्धुराको परशुराम नगरपालिका,आलिताल गाँउपालिका,अजयमेरु गाँउपालिका,भागेश्वर गाँउपालिका र नबदुर्गा गाँउपालिकामा अभियान सुरु भईसकेको छ । ग्रासरुट अभियानले गाँउ र टोली बस्तीमा भेलाहरु,सदश्यता बिस्तार र संगठन सुदृढीकरण अभियानलाई केन्द्रीत गरिएको बोहराले बताउनुभयो । डडेल्धुरा जिल्लामा ग्रासरुट अभियानमा केन्द्रीय प्रतिनिधीका रुपमा केन्द्रीयसदश्यद्धय झपट बोहरा र भैरबबहादुर सिह रहेका छन । अभियानमा जिल्लाबाट प्रतिनिधित्व गर्ने प्रदेश कमिटि सदश्यहरु पनि ग्रासरुट अभियानमा खटिएका छन । अभियानले ग्रामिण भेगका नेता कार्यकर्ताहरुमा निकै उत्साह थपिएको एमाले डडेल्धुरा जिल्ला सचिब गजेन्द्र शाहीले बताउनुभएको छ ।