काठमाडौं । नेकपा (एकीकृत समाजवादी)  की सचिव रामकुमारी झाँक्रीले आफूले शहरी विकासमन्त्री हुँदा प्रगतिमुलक काम गरेको बताएकी छन् ।  सोमबार काठमाडौंमा पत्रकार सम्मेलन गर्दै पूर्वमन्त्री झाँक्रीले आफू मन्त्री रहँदा योजनावद्ध रुपमा काम गरेको र अन्य विकासे मन्त्रालयको तुलनामा पुँजीगत खर्चमा उल्लेख्य प्रगति गरेको दाबी  समेत गरेकी छन् ।  

उनले आफ्नो कार्यकालमा शहरी विकास मन्त्रालयको टिमले हरेक आयोजना कार्यान्यनको विषयमा योजना बनाएर काम गरेको बताइन्। झाँक्रीले शहरी विकासमन्त्री हुँदा  विकास निर्माणसम्बन्धी महत्वपूर्ण नीतिहरु परिमार्जन गर्ने, आयोजनाको तयारी गर्दा आयोजनाको सम्भाव्यता अध्ययनमा विशेष जोड दिएको बताइन्।

उनले अहिले पनि आयोजनाले पार्ने प्रभावको विश्लेषण गरेर मात्रै हरेक आयोजनाको तयारी गर्नुपर्ने बताइन्। झाँक्रीले नीतिगत तहमा अनियमिता रोक्नको लागि समिति बनाएर प्रतिवेदन तयार पारेको पनि सुनाइन्।

साना आयोजना समयमा नै नसकिनुको कारण उपाभोक्ता समितिबाट गरिने काम गुणस्तरहीन र असारको मसान्तमा आएर काम सक्नु  भएको  उनको भनाई रहेको छ । मैले पटक पटक भनेको छु। उपभोक्ता समितिको काम गुणस्तरहीन भएकाले अख्तियारले समेत प्रश्न उठाएकाले यसबाट काम नगरौं भनेर त्यो काम रोक्यौं। त्यसपछि सार्वजनिक खरिद प्रक्रियामा जानुपर्‍यो। त्यस्ता स्वीकृत सबै काम खरिद प्रक्रियामा लैजनाको लागि मंसिरको ३ गतेदेखि ७ गतेसम्म मन्त्रालय स्तरको बैठकसमेत बस्यौं।

योजना तयारीको लागि आयोजनाको सम्भाव्यता,आयोजनाले पार्ने प्रभावसमेत विश्लेषण गर्नुपर्छ। अन्य विकासे मन्त्रालयको भन्दा राम्रो प्रगति गरेँ। त्यसको पछि शहरी मन्त्रालयले योजनामा काम गरेको थियो। धेरै विकास निर्माणको काम गर्न रहेका धेरै हड्लसहरुलाई किनारा गरेका थियौं। अनियमिता रोक्ने प्रयास गरेँ,यस्ता झन्डै दुई दर्जन समिति बनाएको रहेछु। दुई दर्जन प्रतिवेदन नै छन्। प्रतिवेदनमा प्रमुख प्राथमिकताका विषयहरुकै प्रतिवेदन आएका छन्। त्यसरी नै विकास नीतिहरुलाई परिर्वतन गर्न धेरै काम गरेका थियौं।’

 सचिव झाँक्रीले आफू मन्त्रीहुँदा मन्त्रालयबाट स्वीकृत योजनाहरु सबै सार्वजनिक खरिद प्रक्रियाबाट गर्ने प्रयास गरेको  बताएकी छन् ।