धनगढी । कैलालीमा लागुऔषधसहित एक युवक पक्राउ परेका छन्। भजनी नगरपालिका वडा नम्बर ३ कुसुमघाट स्थित भित्री सडकखण्डबाट राजकुमार चौधरी लागुऔषधसहित पक्राउ परेका हुन्।

बर्दगोरिया गाउँपालिका वडा नम्बर ६ जगतपुरका ३० वर्षिय चौधरीको साथबाट प्रहरीले पाँच सय मिलिग्राम खैरो हेरोईन जस्तो देखिने लागुऔषध फेला पारेका हो।

उनलाई पक्राउ गरी थप अनुसन्धान भइरहेको जिल्ला प्रहरी कार्यालय कैलालीले जनाएको छ।