काठमाडौं । सर्लाहीमा मोटरसाइकल दुर्घटना हुँदा दुई जनाको  ज्यान गएको छ ।  सोमबार साँझ ईश्वरपुर नगरपालिका–१२ स्थित पूर्व पश्चिम लोकमार्गमा प्रदेश–२–०३–००४ प ७८८४ नम्बरको मोटरसाइकल र ज.११प ८१० नम्बरको मोटरसाइकल आपसमा ठोक्किएको प्रहरीले बताएको छ । 

दुर्घटनामा बारा कलैया उपमहानगरपालिका–१६ घर भएका ४५ वर्षीय कन्हाई चौधरी र महोत्तरीको बर्दिबास नगरपालिका–६ घर भएका २५ वर्षीय सुनिल आले मगरको ज्यान गएको प्रहरीले जनाएको छ । सुनिल ज.११ प ८१० नम्बरको मोटरसाइकलका चालक हुन् । प्रादेशिक अस्पताल मलंगवामा उपचारको क्रममा उनीहरूको निधन भएको जिल्ला प्रहरी कार्यालय सर्लाहीका डिएसपी विजय यादवले बताएका छन् । 

मोटरसाइकलमा सवार बाराको कलैया घर भएका अजय कुमार पटेल र बर्दिबास घर भएकी २४ वर्षीया रुबिना तामाङ घाइते छन् । घाइतेभएकाहरुको उपचार भइरहेको छ  ।