काठमाडौं । नेकपा एमालेका अध्यक्ष केपी शर्मा ओलीले भारतसँग सिमाना जोडिएको झुलाघाट नाकामा पक्की पुल बनाउने जिम्मा आफु लिने बताएका छन् ।

शुक्रबार जिल्लाको पाटनमा नेकपा एमाले जिल्ला कमिटी बैतडीले आयोजना गरेको विशाल चुनावी सभालाई सम्बोधन गर्दै उनले यस्तो बताएका हुन् । आजै दार्चुलामा चुनावी सभालाई सम्बोधन गरेर ओली बैतडी पुगेका हुन्।

 उनले भने , 'थोत्रो पुलले हुँदैन । अब पक्की पुल बनाउनुपर्छ, त्यो जिम्मा एमालेले लिनेछ, त्यो जिम्मा म लिन्छु । ओलीले महाकाली करिडोरको निर्माण समयमै सम्पन्न गरिने समेत ओलीले बताएका छन् ।'उनले बैतडीबाट नेकपा एमालेको जित सुनिश्चित रहेको समते दाबी गरे। केन्द्रदेखि प्रदेशमा एमालेको सरकार बन्ने ओलीले जिकिर गरे।