काठमाडौं। प्रमुख प्रतिपक्ष दल नेकपा एमालेले सुदूरपश्चिमबाट देशव्यापी चुनावी अभियान सुरु गर्ने भएको छ । आगामी मंसिर ४ गते हुने प्रतिनिधि सभा र प्रदेश सभा निर्वाचनलाई लक्षित गरेर एमालेले देशव्यापी चुनावी अभियान  दार्चुला जिल्लाबाट सुरु गर्ने भएको हो ।

कात्तिक १८ गते पार्टी अध्यक्ष केपी शर्मा ओलीले अभियानको थालनि गर्ने लागेका हुन् । एमाले सुदूरपश्चिमका सचिव धर्मराज पाठकका अनुसार हेलिकप्टरमार्फत दार्चुला पुगेर ओलीले सदरमुकाम खलंगामा बिहान ११ बजे आमसभालाई सम्बोधन गरेर चुनावी अभियान थालनी भएको घोषणा गर्ने भएका छन् ।