काठमाडौं । सत्तारुढ दल नेपाली कांग्रेसको संस्थापन इतर शेखर कोइराला पक्षले आज छुट्टै भेला बोलाएको छ ।  शेखर पक्षले  २ बजे बत्तीसपुतलीस्थित अनुपम फुडल्याण्डमा बस्ने गरी भेला बोलाएको हो । 

भेलाले खबरदारीपछि संस्थापन पक्षले सच्याएर बुझाएको समानुपातिक उम्मेदवारको बन्दसूचीमा समीक्षा गर्नेछ । आफ्नो माग संस्थापन पक्षले पूरा नगरे विद्रोह गर्ने चेतावनीपछि बन्दसूची हेरफेर गर्दै शेखर समूहका नेताको नाम थप गरिएको थियो ।

आफ्नो समूहबाट प्रत्यक्षतर्फ उम्मेदवार बन्न इच्छुक र सक्षम व्यक्तिको नाम संकलन गर्ने भेलाले उनीहरूको सूची संसदीय बोर्डमा रहेका सदस्यलाई बुझाउने विषयमा छलफल गर्ने जनाइएको छ  ।