काठमाडौं । सत्तारुढ पाँचदलीय गठबन्धनले आजै सीट र निर्वाचन क्षेत्र बाँडफाँटको टुंगो लगाउने भएका छन् ।  

सोमवार बिहानैदेखि प्रधानमन्त्री निवास बालुवाटारमा जुटेका गठबन्धनका शीर्ष नेताहरूको बैठकमा सीट बाँडफाँट टुंगो लगाउने गरी  छलफल थालेका छन् । 

बिहान बसेको बैठक दिउँसो १ बजे फेरि बैठक बस्ने गरी सकिएको हो  ।  सीट र निर्वाचन क्षेत्रको बाँडफाँट प्याकेजमा टुंगो लगाएर आजै सहमति पत्रमा हस्ताक्षर  हुने जनाइएको छ ।सीट बाँडफाँटको विषयलाई लिएर गठबन्धनभित्र रहेका दलमा असन्तुष्टि बढेको छ ।  

गठबन्धनमा रहेको जनता समाजवादी पार्टीले सीट बाँडफाँटमा असन्तुष्टि राखेर चुनावी तालमेलको लागि एमालेसँग पनि संवाद अघि बढाएको  हो ।